Make your own free website on Tripod.com

أبو الصادق شاعر الثورة الفلسطينية

سلطانيات

 

أبو الصادق

سلطانيات

ظريف الطول (صوت)

ثوريات (صوت)

أشعار و قصائد 

 

أغاني الثورة

فوق التل

طل سلاحي

...... 

أغنيات متنوعة

غنّى الحادي (العاشقين)

قلبي على إبني 

أه يا أمة محمد

..........

 

 بريد الكتروني

 

 

تحت الإنشاء

 

 

 

سلطانيات أبو الصادق


 

 

يوم الأرض

 

أحلى قصة حب طلّت

من عيون شعبي الأصيل..

لما أرض الحب نزفت

في المثلث و الجليل..

 

ذكرى ثورة أمّه حرّه

أمه تعشق كل ذرّه..

من ثرى أرض الجدود..

أمه تتحدى القنابل

والمدافع و البارود

بالمناجل ..بالشباري ..

بالطواري.. بالزنود..

 

فوق رُبى "سخنين" و "عرّابة"

ارتعش صوت الزمن..

يا  "خديجه" يا صبيه

عيونها لون الميرميه

يا خميلة سوسن

ف جنة عدن..

يا "أبو ريا ..رجا"

ما خاب رجا أرضك

ولا عزمك وهن..

يا "خلايله يا خضر"

يا طير يرفرف

فوق حواكير الوطن..

 

أحلى قصة حب طلت

من عبير الياسمين..

لما أرض الحب ضمت

ذكرى "محسن"

ذكرى "رأفت" 

ذكرى "خير أحمد ياسين"

 

 

28‏‏/‏03‏‏/‏2006‏‏‏‏


 

مراجيح

 

شوي شوي علشان نفهم..

ما بدنا كلام غامض مبهم..

لا تخلّوا علامة لاستفهام

تسأل تستغرب تتألم..

 

ما بدنا تصاريح ورديه

و أماني وأحلام وهميه

مش نيجي في الوقت الضايع

ما نلقى شي.. بأرض الواقع..

 

إحنا الشعب الثائر إحنا

شفنا و سمعنا ..اتشبّعنا..

زهقنا.. تعبنا من المراجيح

إللي ف "هواها" اتمرجحنا..

 

 

21‏‏/‏03‏‏/‏2006‏‏‏


 

(الكرامه)

 

ذكرياتك يا كرامه ذكريات..

ننسى إللي عاش وكمّل

ولا ثائرنا اللي مات؟

ننسى "ربحي" إللي شنشل

جسمه ألغام ودانات..

كبّر وبسمل وهلّل

والتحم بالدبابات..

ننسى "منهل" إللي زلزل

كل أساطير الطغاة..؟

خندق "الفسفوري" صامد

والدروع تزحف عليه..

كل دِرِع قدامه مارد

من رُماة الآربي جى..

من كمين "أبو أميه"

إنطلق آخر طلق

مات ف حضنه بندقيه

مكوفله بدم وعرق..

تسلم الإيد الشريفه

إللي تنزف نار ونور

سددت آخر قذيفه

حطّمت درع الغرور..

خطوة المجد ابتسامه

عانقت كل الديار

ابتسامه للنشامه

إللي ردوا الإعتبار

من "حزيران" الهزيمه

من ليالي الإنكسار

للكرامه يا نشامه

واحد وعشرين ‏آذار‏..

‏ ملحمه وكانت علامه

أًصبحت رمز وشعار..

يا ننول شرف الشهاده

يا نعيش الإنتصار..

ذكرياتك يا كرامة ذكريات

من هنا من أرضك الحُرّه

ابتدى لَم الشتات..

 

19‏‏/‏03‏‏/‏2006‏‏ ‏‏‏‏‏‏


 

اليوم وصلتني برقيه

بقرارات القمه العربيه

إللي راح تصدر في الخرطوم

يا عزيزي بعد حداشر يوم..

 

أولها يا خال..حسن النيه

ما بين سورياوبين لبنان

ثانيها أسلحه نوويه

محظوره في الشرق الأوسط

والغمزه هنا تقصد إيران

ثالثها ديمقراطيه قدر الإمكان

رابعها تعيشي يا فلسطين

وإلى آخره من الشعارات 

خامسها معروفه القرارات

من لاستنكار حتى التنديد

لابدي أعيد ولا بدي أزيد

مش راح نسمع أي شئ جديد

 

 

16‏‏/‏03‏‏/‏2006‏


 

دَقّوا الجرس ..سحبوا الحرس..

هجم التتار..شَدّوا الحصار ..

خلف الجدار

فارس فلسطيني انحبس.. 

لا ف إيده سيف بَتّار..ولا..

تحته فرس.. 

 

بَكتب الكلمه الأليمه وبأمانه..

يا إيدين العار يا عيون جبانه..

محور الشر الثلاثي والحضاري

الرخام من بره..ومن جوه نتانه..  

 

15‏‏/‏03‏‏/‏2006‏‏‏ ‏‏‏‏‏‏


 

إشهد يا رب العالمين إشهد

إن الألم فينا..

كل يوم إلُه مشهد

قولوا لي يا خِلان..

أكتب مآسينا..

 و لا أضل خرسان..

 

إيدي على قلبي

و قلمي في إيدي

إن فَش غِلّي

يقولوا تحريضي

 

سَكَّرت باب داري

و كتبت أشعاري

شفت ف منامي طيف

بيقرا أفكاري

 

07‏‏/‏03‏‏/‏2006


 

كل همسه .. كل غمزه ..

إلها عِنّا ألف مغزى ..

إحذروا العدوى يا أهلي

من طيور الأنفلونزا ..

 

منهجي أسلوبي فكري

هُوّه هُوّه .. لست أدري !!

أعذروني .. يا عيوني

لما يهرب مني شعري..

 

بالمفاهيم الجديده ..

والتصاريح العديده..

هادا يحكي ..هادا ينفي..

نفسي في جمله مفيده

 

إللي بيأذّن في مالطه..

واللي بيدّور ع غلطه..

القطار طول عمره ماشي

بس مش لاقي المحطه..

 

21‏‏/‏02‏‏/‏2006‏


 

هيّه هيك الدنيا فيها

يوم إلك و يوم عليك

كان مُهِم تِضحك عليها

قبل ما تضحك عليك

 

الجُرُح في الكف لكن

قبل ما يعفّن داويه

العلاج مش بالمُسَكِّن

و الصَّديد بيرعي فيه

 

اللي عانى و اللي ضحّى

بالأسير و بالشهيد

بالإراده يطوي صفحه

و يمشي مشواره المجيد

 

03‏‏/‏02‏‏/‏2006‏‏‏‏


 

الإيثار..

كلمة قالها الرمز القائد

رمز الثوره و الثوّار

و قالْ.. و قالْ..

كل شي يهون كرمال "الفَتح"

غربل يا غربال الثوره

هالزِيوان من بين القَمْح

ما حد أبداً أبداً أبداً

يقدر يلوي دراع الفََتح

مش مِنّا أبداً مش مِنّا

اللي اتخلّوا عن مبادئنا

و اللي انحسبوا علينا زمان..

إللي شذوا و اللي ابتزّوا

ما إلهم في الفتح مكان

 

24‏‏/‏01‏‏/‏2006


 

شعبي من أزغر طفل

حتى القيادة..

عشقه لبلاده عِبادَه

الجنين في رحم أمه

انتفض قبل الولاده

مهما شدّوا الطوق عليه

الورق كله ف إيديه

و القرار الحر مردوده إليه

و انت يا شعبي الميزان

انت يا شعبي الأمن و انت الأمان..

و انت الرقم الصعب في كل زمان

و انت أقوى من الحصار

في المنافي في الديار

في زنازين الإسار

المسيره ثوره حرّه مستمرّه

ثوره حتى الإنتصار..

 

22/1/2006


 

أسهل شي نكتب شعارات

اصعب شي نْحققها

واللي شعاره الإصلاحات

مطلوب منه يْطبقها

 

شفت النائب يتّاوب

نايم من أول جلسه

في المجلس حاضر غايب

و دايماً يبصم بالخمسه

 

وفيه نائب مسّاح للجوخ

كل موجه يجري وراها

يتفلسف بكلام ممسوخ

أجا ليكحلّها عماها

 

مرحى لنائب حر و صلب

متمسك بالشرعيه

ما يفرط بثوابت شعب

ولا بحقوقه الوطنيه

 

20/1/2006


 

لما طير الثورة غاب..

أهدى لشعبه كوفيه..

و ميراثه لكل الأحباب..

عِزَّه كرامه و حرّيه..

 

روحه طارت من باريس..

بترفرف فوق الأقصى..

عدّت من كل المتاريس..

صبَّح عَ القدس و مسَّى..

 

غنّى غنوه للأجيال..

شيبُه شبابُه و زهراته..

و انتي يا فتح كنتي الموال..

مين رح ينسى نغماته..

 

لو غنَّى طير الحسُّون..

و بإحساسه حسِّينا..

حتى لو غاب عن العيون..

بيضلُّو عايش فينا..

 

18/1/2006


 

ليش تشكي...ليش تنوح...

باب لانتخابات مفتوح...

إن كنت على قد الشيله...

روح جرب حظك...روح...

 

كتروا عنا المحاسيب...

و الزعبره  و الألاعيب...

و السهم الأعمى يصيب ...

قلب الشعب المجروح...

 

ملّينا من الشعارات...

و استعراض العضلات...

و عصبيه و قَبَليات...

صار الطابق مفضوح...

 

حرية لكل مواطن

يقدر يختار و يوازن

كلمة و قالها أبو مازن

حق التعبير مسموح

 

فيه ناس من غير أسماء

تخشى النقد البناء...

مجلسنا للشرفاء...

مش للصوت المبحوح...

 

جوه كنا أو برّه...

بنضل الكلمة الحرّه...

يا فتح يا شرش الثوره...

إنتي الأمل المطروح...

 

12/1/2006


 

لا تستغرب لا تتعجب...الأرنب التهم الثعلب

و الحوت في بحره يتشقلب...و السمكة لزغيرة تكسب

لا تتشنج لا تتعصب...إحنا اخترنا الرقم الأصعب

إلعب إلعب إلعب إلعب...الطابه لسه في الملعب

 

18/12/2005


آه يــا شــــعــبـــي . . . يــا بــركان الغضــب
يــا شــهاب المـجـــد . . . في ليــل العـــــرب
آه يا أهـــل الحـســـب . . . آه يا أهل النســـب
الــصمت يقـتلنــا مـــره . . . ومـره تقـتلنا الخطب


يا عـــم ســـــــام إيــــش المطلـــب
حســـب المـــزاج تكـتـب تشــطب
نــســـمـع كلامــــك يــعجبـــنـــا
نــشــــــوف أمــــورك نســـتعجـــب


غــصـــن الــزتــــون فـــوق دبابـــــه
حـمـــام يصــــارع لـــديــابـــــه
صـــفــوا ولــــــو مـــــــره النيـــه
بـــلاش مـظــــاهــــر كدابـــــــه


أحبابي ليــش هـادى . . . البالونــــات
ع الـفـــاضى دايــمـــاً . . . منفوخــــــه
ومـن زمـــــان لـيـــش . . . هـالطبخـــــه
ف نــفـس الــطنـاجـر . . . مطبــوخــــــه
إشـــبعـنـــا حكي . . . إشـــبعنــا قـــرارات
ممــجـوجــــه هـــشـــــه . . . ومـمسوخـــــــه


فى زمــن الـــدش . . . فيـــه ناس بـتـدش
بــكلام معـــسول . . . مدهــون بالغـش
مــن ورا ضهــرك . . . تنحــل وبـــرك
و لــما تــشوفـك . . . تضحك فى الوش


لأ مـش ألــــم . . . هـــوهّ يا أحبابي المرار
هــــوه يا شعبي الغصه . . . في حلـق الصغـــار
هـــوه السـكوت العـربي . . . على طـول المــدى
من ذكرى أمجاد الكرامه . . . حتى بــيروت الحصـــار


أعلى الصفحة